جواب من عبد الكريم
وصلني جواب من كريم كانت المرة الأولى عندما ارسل لي كريم لم يصلني الخطاب و المرة دي وصل و أحب أشكر إدارة سجن برج العرب إنهم سابوا الجواب المرة دي كريم قالي كلام كتير المرة دي الكلم اللي كان عايز يقولو في الرزيارة و لم يسعفة الوقت لان الزيارة لم تتعدى عشرين دقيقة كريم قال و بنقل من جوابه بالنص
:
"خايف احسن أكون سبب في أن الناس تحجم عن إنها تعبر عن رأيها عن طريق المدونات أحسن مصيرها يكون مشابه لمصيري ""فاللي عايز أقوله أن أنا ليا وضع خاص أنا كنت بكتب بإسمي الحقيقي و ما كنش عندي إستعداد إني اتخفى ورا إسم مستعار لأني كنت رافض الفكرة دي و مفضل عليها مبدأ غني أكون صريح مع نفسي في كل حاجة مهما كانت العواقب و ليا أسباب اللي منها أن إحنا مش حنقدر نغير مجتمعنا إستنادا على افكار إحنا مؤمنين بيها و إحنا مستخبيين و خايفيين من الناس , المجرمين نفسيهم و أصحاب الأفكار الرجعية و المتطرفة ما بيخجلوش إنهم يتكلموا عنها بكل صراحة و من غير خوف و من غير ما يستخبوا ورا اقنعة , فمن باب أولى إن غحنا كمان ما نخافش و نتكلم بصراحة حتى لو كانت رؤسنا في وش المدفع لأن غيرنا عندهم إستعداد ينتحروا و يفجروا نفسهم في سبيل افكار هم مؤمنين بيها ... المهم مش كل الناس ملزمة غنها تلتزم بوجهة نظري دي و يمكن أي حد يكتب بمليون إسم مستعار ما يقدروش يتتبعوه لإني حاسس إنهم في قمة الغباء تكنولوجيا و لولا إني إعترفت بإني فعلا كتبت المقالات اللي إتحاكمت بسببها ما كانوش يقدروا يعملوا لي حاجة و في حاجات تانية منها إني كنت طالب أزهري و إن جامعة الأزهر هي الخصم اللي حرك القضية دي ضديو مش كل الناس اللي بتكتب أزهرية زيي و في حاجات كتير تانية مش وقت الكلام فيها ....بس أنا مش عايز أكون سبب في ان الناس تخاف أحسن تواجه نفس مصيري و اكيد في ناس غيري بتكتب و بجراة اكبر و ما إتعرضتش ل لي أنا إتعرضتله"
إنتهى الإقتباس من كلام كريم و قال كريم أنه فرح جدا لما واحد من الدنمارك بعت له جواب على السجن دي حاجة رفعت روحه المعنوية جدا و صبرته على المحنة اللي هو فيها و اعتقد إن لو كل واحد طبعا لز هو عايز يكتب لكريم كلمة يشجعة بيها و يصبره حيكون كويس أويكريم إتظلم بغض النظر عن غتفقنا أو إختلفنا مع ما كتب لكن هو مظلوم ظلم بين وواجبنا أن نقف بجانبه و لو حتى بكلمة و ربنا حيدي كل واحد على قد نيته زي ما بنقولو لو في أي حد عايز عنوان كريم في السجن يبعت لي إيميل و سوف أرسل له العنوان