اتمني اني رسالتي توصلك
انا مش عارف اتعاطف معاك و لا لأ انت صعبان عليا فعلا وجودك بالسجن وانك الحكومة تستخدمك كرسالة موجة للمدونين خاصة الاخوان المسلمين
لكن سخريتك المستمرة من المسلمين (بصرف النظر عن هجومك الدائم عن الاسلام ) ورؤيتك ان المسلمين دول شوية مشعوذين وان الملحدين هم اللي خرجوا من دائرة التخلف وكان اي مسلم عن اقتناع وفكر مجرد جاهل مشعوذ بالاضافة الي هجومك الدائم عن الرسول باسلوب لا يليق بلغة الحوار جعل الكثيرون ومنهم انا يفقدون تعاطفهم معك ومنهم انا
الالحاد فكر ويحب احترامة ولكن الاهم طريقة التعبير عنة و الاهم عدم التهكم علي الاخرين لانة لا يوجد اي انسان يمتلك خيوط الحقيقة الكاملة حتي المؤمنين انفسهم

:Dalia’s reply

إن شاء الله رسالتك توصل يا محمد

و أنا أحب أشكرك على أسلوبك الراقي في تناول الموضوع، هذا أولا
ثانيا أسمح لي أوصل وجهة نظري أنا و كل اللي بيدافعو عن كريم في المسألة اللي أنت طرحتها و هي إنه إزاي بيشتم في المسلمين و إزاي المفروض إننا نوقف جنبه و نسانده
في الحقيقة أنا عجبني قوي إنك مؤمن في حق كريم إنه لا يسجن و إن الحكومة عملت غلطة كبيرة قوي باستخدامه لتهديد باقي المدونين، لكن أنت عارف كريم شتم الإسلام ؟ لأنه ما يعرفش الإسلام على حقيقته، طلع في بيت لقى أبوه متشدد وعصبي و بيحرمه من كل حاجة بحجة إن الإسلام بييفرض ده، شاف أخواته البنات حرموا من ممارسة طفولهم و خرجوا من المدرسة غصب عنهم و أتحرموا من التعليم و لبسوا نقاب في سن ست سنوات فقط، وده كله باسم الإسلام، تصدق إن إخواته الاكبر منه متزوجين معاه في نفس البيت و عمره ما شاف زوجاتهم و لا مرة لأنهم منقبات؟ تخيل التشدد واصل لدرجة أيه؟ و يا ريت على كده و بس لكنه كمان دخل مدرسة أزهرية و شاف الطلبة اللي بيعانوا من كل أشكال الكبت بسبب إن المؤسسة الأزهرية بتحرم عليهم كل حاجة بدءا من الدراسة مع البنات و إنتهاءا بإنهم مش قادرين يختاروا التخصص اللي يدرسوه و إجبارهم على حفظ القرأن، حفظ القرأن نعمة كبيرة طبعا لكن يجب أن يقوم على رغبة الشخص نفسه، فاهمني؟

عموما ده موضوع فرعي
المهم الحقيقة إن دوافع كريم لمهاجمة الإسلام مفهومة جدا و كان الأجدر بحكومتنا الجميلة العبقرية إنها تغير الصورة اللي اتنقلته من خلال أسرته المتشددة جدا زي ما شرحت لك فوق، لكنهم أختاروا بدل ده إنهم يجعلوا منه عبرة لكل من يجرؤ على الكلام، بذمتك يبقى كريم يستاهل نقف جنبه و لا لأ؟
و أخيرا أكرر إعجابي باسلوبك المنطقي و الراقي